د انتخاباتی شکایتونو کمیسیون
د انتخاباتی شکایتونو کمیسیون یوه مستقله افغانی اداره ده چی د ټولټاکنو د قانون د ۵۲ مادی پر بنسټ د ټولو ټاکنیزو اعتراضونو او شکایتونو په اړه د پریکړی لپاره جوړه شوی ده. دا کمیسیون د ۱۳۸۸ کال د ټولټاکنو لپاره بیا تاسیس شوی دی. دا کمیسیون د انتخاباتو قانون د ۵۳ مادی پر بنسټ د ټولټاکنو د قانون نه د سرغړونی په هکله شکایتونه څیړلی شی او په همدی توګه کولای شی چی د سرغړونی د تثبیت په صورت کی د انتخاباتو د قانون د ۵۴ مادی پر بنسټ محدودیتونه وضعه کړي. برسیره پردی دا کمیسیون کولای شی چی د نوماندانو د وړتیا په هکله اعتراضونه هم وڅیړي.
د ټولټاکنو د قانون پر بنسټ د انتخاباتی شکایتونو کمیسیون د دوو ملی او دری نړیوالو کمیشنرانو څخه جوړ دی. یو ملی کمیشنر د افغانستان د بشر د حقوقو د خپلواک کمیسیون او بل د افغانستان د ستری محکمی له خوا ټاکل کیږي. پاتی دری نور نړیوال کمیشنران د ملګرو ملتونو د سرمنشی د خاص استازی له خوا ټاکل کیږی. د ۱۳۸۸ کال د انتخاباتی شکایتونو کمیسیون ملی کمیشنران هر یو ښاغلی فهیم حکیم، او مولوی محمد مصطفی بارکزی دی. نړیوال کمیشنران هر یو ښاغلی ګرانټ کیپن، مارټین هالف او سکاټ وارډن دی.
د انتخاباتی شکایتونو د کمیسیون مرکزی دفتر په کابل کی دی او د افغانستان په هر ولایت کی به د انتخاباتی شکایتونو کمیسیون ولایتی څانګی د کمیسیون استازیتوب کوی. هره ولایتی څانګه به دری کمیشنران او یو مرسته کوونکی آمر ولری. اته ولایتی څانګی به اضافی عدلی او څیړنیز ظرفیت ولری ترڅو د ضرورت په وخت کی نورو ولایتی څانګو سره مرسته وکړی. هر کس یا ارګان چی ټولټاکنو کی برحقه ګته لری او د ټولټاکنو د قانون نه د سرغړاوی ادعا کوی، کولای شی د انتخاباتی شکایتونو کمیسیون او یا د انتخاباتی شکایتونو د کمیسیون د ولایتی څانګو سره خپل شکایت درج کړی. دا حق د ټولو وړ رای اچوونکو او د نوماندو د استازو شامل هم دی. د انتخاباتی شکایتونو کمیسیون د ټولټاکنو د خپلواک کمیسیون څخه بیل او خپلواکه دي.
